नांदुरा शहरातील सामाजिक कार्यात सक्रिय आणि झुंजार नेतृत्व म्हणून ओळखल्या जाणाऱ्या मंगलाताई सुभाषराव गर्दे यांना महाराष्ट्र भूषण पुरस्काराने गौरविण्यात आले आहे. विदर्भ मंडळाच्या वतीने त्यांना हा मानाचा पुरस्कार प्रदान करण्यात आला.
गोरगरिबांच्या न्यायहक्कांसाठी लढणाऱ्या आणि समाजसेवेसाठी अहोरात्र झटणाऱ्या मंगलाताई गर्दे यांनी अनेक सामाजिक उपक्रमांमध्ये महत्त्वाची भूमिका बजावली आहे. विशेषतः महिलांच्या सशक्तीकरणासाठी आणि समाजातील वंचित घटकांसाठी त्यांनी केलेले कार्य उल्लेखनीय आहे. त्यांच्या कार्याचा सन्मान म्हणून त्यांना हा प्रतिष्ठेचा पुरस्कार देण्यात आला आहे.
या सन्मानामुळे नांदुरा शहरातील नागरिकांमध्ये आनंदाचे वातावरण असून, विविध सामाजिक आणि राजकीय क्षेत्रातील मान्यवरांनी त्यांचे अभिनंदन केले आहे. त्यांच्या कार्याचा गौरव करताना महिलावर्गासह संपूर्ण समाजाकडून त्यांच्यावर कौतुकाचा वर्षाव होत आहे.
मराठी न्यूज माझा चॅनलकडून सौ. मंगलाताई सुभाषराव गर्दे यांना हार्दिक शुभेच्छा आणि पुढील वाटचालीसाठी मनःपूर्वक अभिनंदन!